Baiko enpresak jakitera eman duenez, Aldi Baterako Enplegu Erregulazioa ekainaren 19an emango du amaitutzat. Aspek, bere aldetik, atzo eman zuen albiste bera, pilotariak astelehen honetan pilotalekuetara itzuliko direla iragarriz, entrenamenduetara.
Esku pilota profesionala uztailaren 1ean itzuliko dela iragarri dute hainbat komunikabidek. Lehen jaialdi hori Irunen izango litzateke.
Horretarako lehen urratsa Aspek eman zuen atzo. Pilotariak entrenamenduetara astelehenean itzuliko zirela iragarri zuen, Eibarko enpresak eta hainbat pilotarik lortutako akordioari esker. Baikon gauzak beste modu batera egin dituztela azaldu dute hainbat komunikabidek, hau da, enplegu erregulazioaren amaiera enpresak bere aldetik erabaki duela azpimarratu dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!