Koronabirusa

Haragiari irtenbidea eman nahian

Anoetan egoitza duen Carnicas Goya enpresaren bezeroetako gehienek ateak itxita eduki dituzte azken bi hilabeteetan, tartean sagardotegiek. COVID-19aren krisia lehertu zenean dagoeneko banatutako haragia berriro jaso eta egindako eskarietatik jasotakoak batu zitzaizkien. Kilo asko. «Haragi horri guztiari irtenbidea ematea izan da gure lehentasuna», aipatu dute Goyako arduradunek.

«Webgunearen bitartez eskaera asko jasotzen ditugu Espainiako puntu ezberdinetatik. Hemen inguruko jendeak nahiago du, ordea, salmenta puntura etorri, baina mugikortasuna ere mugatuta egon denez, bide berriak asmatu ditugu». Pilatutako haragiari irtenbidea emateko, prezio merkeagoan, eskaintza bereziak zabaldu dituzte, besteak beste, WhatsApp mezuen bitartez, eta arrakasta handia izan dute. Goyako langileak beraiek arduratu dira banaketa egiteaz Gipuzkoan zehar.

«Gure galdera da orain salmenta modu hau geratzeko etorri ote den», aipatu dute. Printzipioz, webgunea berritzeko lanari ekin diote epe motzera, eta bien bitartean, sagardotegiak eta, oro har, ostalaritzako bezeroak pixkanaka lanean hasteko esperantzari heltzen diote.

Erlazionatuak

Loratuko da sagardogintza

Tolosaldea

COVID-19aren krisiak sagardogileei ere eragin die. Bertan behera utzi zuten txotx denboraldia bete-betean zegoenean eta sagardoa merkaturatzeko ia ...

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!