0-3 urteko haurrak irailera arte ez dira itzuliko haur eskoletara. COVID-19aren ondorioz, martxoaren 13tik etxean daude haurrak. Gaur partzuergotik gurasoei jakinarazi dienez, irailera bitarte ez dira itzuliko eskoletara: "Haurrak 2019-2020 ikasturtean haur eskoletara itzultzeari dagokionez, jakinarazten dizuegu Hezkuntza Sailak ez duela aurreikusten haurrak irailera arte itzultzea".
Atariari hainbat gurasok azaldu diotenez, mezu hori jasotzen ari dira haur eskoletatik. "Haurreskolak Partzuergoak jakinarazi digu berria, eta hauei, Hezkuntza Sailetik esan omen die".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!