Covid-19a dela eta azken egunetan jaso dituzten osasun irizpideak kontuan hartuta, eta EUDELen aholkuak jarraituz, Aduna, Alkiza eta Larraulgo udalek ludoteka eta udalekuak ez egitea erabaki dute "tamalez". Aurrera begira, ondorengoa azaldu dute: "Aurrerantzean, egoerak aldaketarik izango balu eta irizpideak bermatzea ahalbidetuko baligu, aztertuko genuke zer egin. Edozein kasutan ere, argi utzi nahi dugu hiru udalon lehentasuna herrietako umeen eta begiraleen osasuna dela".
Hiru herrietako udalek jakinarazi dutenez, Aiztondoko Ludoteka eta Udalekuak aurrera eramateko "osasun baldintza guztiak bermatzea" ezinezkoa egiten zaie.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!