Koronabirusa

Eusko Jaurlaritzak 2. faserako hamar puntu negoziatu nahi ditu Espainiako Gobernuarekin

Tolosaldeko Ataria 2020ko mai. 19a, 16:29

Maiatzaren 25ean, hurrengo astelehenean, bigarren fasea hasiko litzateke. Jauzi hori eman ahal izateko eskaria aurkeztu du Jaurlaritzak: "Estatuak probintzia eta lurralde guztietarako ezarriko dituen behin betiko baldintzak oraindik ezagutzen ez diren arren, Eusko Jaurlaritzak dagoeneko helarazi dizkio Espainiako Gobernuari datorren astelehenean, maiatzaren 25ean, hasiko den 2. faserako egokiak iruditzen zaizkion ezaugarriak".

 

Negoziaketarako 10 "oinarrizko elementuak" ondorengoak dira Eusko Jaurlaritzarentzat (EAJ-PSE-EE):

  1. Gune itxi guztietan eta 2 metroko distantzia gorde ezin den lekuetan maskarak erabiltzeko gomendatzea. (Merkataritza-guneak, dendak,…)

  2. Kultura eta aisialdi-jarduerak:
    • Espazio itxietan, edukiera % 50ekoa izango da: museoak, kultur etxeak, antzokiak, zinemak, etab.
    • Espazio irekietan, 500 lagunentzako edukiera izango da gehienez ere; publikoa eserita egongo da, eta distantziak zein gainerako segurtasun-neurriak bermatuko dira.
    • Kultura jarduerak ekainaren 1etik aurrera hasiko dira programatzen.

  3. Ostalaritzan eta jatetxeetan % 50eko edukiera barrualdean, eta terrazetan mahaien edo mahi multzoen artean 2 metroko distantzia bermatzea. Zerbitzua, beti, eserita.

  4. Denda eta merkataritza-gunetan % 50eko edukiera, maskara erabiltzea gomendatuz.

  5. Turismoa: Turismo aktiboa eta natura-turismoa (mendi-ibiliak), enpresa bitartekari bat erabiltzeko obligaziorik gabe zabaltzea.

  6. Etxebizitza pribatutan eta espazio pribatutan bilerak egiteko azalpenak. (Erderazko prentsa oharrean honela agertzen da: Aclaración de las reuniones en viviendas privadas y espacios privados).

  7. Hezkuntza, maiatzaren 25etik aurrera hezkuntza-jarduera presentziala hastea:
    • DBHko 4. mailako, Batxilergoko 1. eta 2. mailetako, eta Lanbide Heziketako gradu guztietako 1. eta 2. mailetako ikasleen hezkuntza-jarduera presentziala.
  1. Egoitzak: Zentro soziosanitariotan bizi diren pertsonak bisitatzen uztea. Pertsona eta egun bakoitzeko bisita bat, gutxienez, bermatzeko gomendatzea, baina egoera baloratuz, eta pertsona bakoitzaren beharrak eta zentroko egoiliar guztien segurtasuna lehenetsiz.

  2. Azoka-esparruak eta antzekoak: urruntze sozialeko neurriak errespetatuz sartzeko probak eta azterketak egiteko zabaltzea.

  3. Hezkuntza pribatua, adibidez, Euskaltegiak, hizkuntza-eskolak, antzeko beste formakuntza batzuk. Ikastegietako ikasgelatan edukiera mugatuarekin, urruntze sozialeko neurriekin eta higiene-neurriekin jarduerara itzultzeko aukera.

Euskara-mailak frogatzeko azterketak egitea (HABE).

Azkenik, Eusko Jaurlaritzak erantzunkizun indibiduala eskatu dute, "orain arte egindako lana ez galtzeko".

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!