Onekak Angelun izandako azken erailketa matxista salatu du. Gehitu du "emakume eta nagusi izatea, genero indarkeria sufritzeko goi mailako arrisku faktorea" bihurtzen dela eta gehienetan indarkeria hori "ikusezin eta iraunkorragoa" dela.
Gertaera konfinamendu egoeran eman izana nabarmendu du ere: "Etxean konfinaturik egon beharrak, emakumeok gizonak baino gehiago zigortzen gaitu, izan ere, itxialdi honek emakume asko bere erasotzailearekin igarotzera behartzen du".
"Onekatik genero indarkeriaren aurka borrokatzen dugu eta borrokatuko dugu egunero, Angelun gertatutako ekintza tragikoak berriro inon gerta ez daitezen", gaineratu du plataformak.