Azken ostiraletako elkarretaratzeak ere bertan behera geratu dira eta beraz, ostiral honetan, hilak 24, euskal presoei ezartzen zaizkien salbuespen neurriekin amaitzeko etxeko leiho eta balkoietara ateratzeko deia egin dute Sare Herritarrak eta Etxerat Elkarteak.
Ostiralean 19:30etik aurrera etxeko leiho eta balkoietara atera, hiru aldiz txistu egin eta bideoan grabatzeko deia egin dute. Bideo horiek horizontalean grabatzeko eskatu dute eta ondoren, prentsa@sare.eus helbidera edo 678 13 74 05 telefono zenbakira bidaltzeko, edota sare sozialetan #etxeannahiditugu traolarekin partekatzeko deia ere egin dute.