Covid-19 birusaren zabalkundea moteltze bidean zela nabari zitekeen eskualdean, bi egunez, kutsatuen kopurua ez zelako hazi. Hala ere, Eusko Jaurlaritzaren datuen arabera, azken 24 orduetan bi kasu gehiago antzeman dira, biak ere Tolosan. Eskualdeak, hortaz, 200 kasu positiboen langa gainditu du, eta dagoeneko 201 dira koronabirusagatik kutsatuta dauden herritarrak.
Asuncion Klinikan, berriz, atzoko zifra berdinak mantentzen dira, 14 gaixo daudelako solairuetan ospitaleratuta. Alde positiboari begiratuta, atzo, gaixo batek jaso zuen alta bertan. Osasun Sailak emandako datuen arabera, gaixo bakar bat ere ez dago ospitaleko ZIU-n (Zainketa Intentsiboetako Unitatean).
Hona hemen, koronabirus kasuen kopuruak, eskualdeko herri bakoitzean:
- Tolosa 102
- Amasa-Villabona 22
- Ibarra 20
- Irura 15
- Anoeta 13
- Zizurkil 5
- Asteasu 4
- Altzo 3
- Bidania-Goiatz 3
- Aduna 2
- Alegia 2
- Alkiza 2
- Amezketa 2
- Albiztur 1
- Belauntza 1
- Berastegi 1
- Hernialde 1
- Leaburu-Txarama 1
- Lizartza 1