COVID-19ak eragin duen egoera berri honetan, eta kultura, aisia, gastronomia edo kirol alorretan Tolosan burutzen diren ekintza askoren bultzatzaile diren aldetik, Tolosako eta Ibarrako hainbat elkartek "esker on handia" helarazi nahi izan diete osasun arloan, merkataritzan, garraioan, adinekoen zaintzan eta gure komunitatearen ongizatearen alde lan egiten duten ezagun edota ezezagun horiei guztiei.
Era berean Tolosako haur guztiak ere zoriondu nahi izan dituzte bideo baten bitartez, "une honetan erakusten ari diren jarreragatik eta konpromiso garrantzitsuagatik".
Honako elkarteek egin dute bat ekimenarekin: Aiz-Orratz, Alur Txiki, Arsenal, Aurrera, Batasuna, Berazubi, Casino, Emendek, Ero Etxe, Gure Kaiola, Gure Txokoa, Ibarrako kirol elkartea, Itun Txulo, Izaskun, Kabi Alai, Kabila, La Jara, Laiotz, Lizardi, Oargi, Ortzadar, San Blas, San Esteban, Sendi Ekintza, Sukalde, Tolosano, Txinparta, Urdina Txiki eta Xepla.