Covid-19 birusagatik kutsatutako eskualdeko herritarren kopurua gutxika, baina gora doa. Eusko Jaurlaritzak zabaldutako datuen arabera, 199 dira kutsatuta dauden Tolosaldeko herritarrak, atzo baino bat gehiago; Adunan gehitu da kasu berri hori. Eskualdeko gainerako herrietako kutsatu kopuruari dagokionez, atzoko datu berdinak eman dituzte.
Asuncion klinikari dagokionez, 17 gaixo daude solairuetan ospitaleratuta, atzo baino bi gutxiago; izan ere, atzo bi gaixotuk jaso zuten alta. Osasun Sailak emandako datuen arabera, gaixo bakar bat ere ez dago ZIU-n (Zainketa Intentsiboetako Unitatean).
Hona hemen, koronabirus kasuen kopuruak, eskualdeko herri bakoitzean:
- Tolosa 100
- Amasa-Villabona 22
- Ibarra 20
- Irura 15
- Anoeta 13
- Zizurkil 5
- Asteasu 4
- Altzo 3
- Bidania-Goiatz 3
- Aduna 2
- Alegia 2
- Alkiza 2
- Amezketa 2
- Albiztur 1
- Belauntza 1
- Berastegi 1
- Hernialde 1
- Leaburu-Txarama 1
- Lizartza 1