Covid-19 birusagatik kutsatutako eskualdeko herritarren kopurua 200 laguneko langara gerturatzen ari da. Eusko Jaurlaritzak zabaldutako datuen arabera, 198 dira kutsatuta dauden Tolosaldeko herritarrak, atzo baino hiru gehiago; Tolosan bakarrik gehitu dira kasu berriak. Eskualdeko gainerako herrietako kutsatu kopuruari dagokionez, atzoko datu berdinak eman dituzte.
Asuncion klinikari dagokionez, 19 gaixo daude solairuetan ospitaleratuta, atzo baino bat gehiago; horrez gain, bi alta ere izan dira. Osasun Sailak emandako datuen arabera, gaixo bakar bat ere ez dago ZIU-n (Zainketa Intentsiboetako Unitatean).
Hona hemen, koronabirus kasuen kopuruak, eskualdeko herri bakoitzean:
Tolosa 100
Amasa-Villabona 22
Ibarra 20
Irura 15
Anoeta 13
Zizurkil 5
Asteasu 4
Altzo 3
Bidania-Goiatz 3
Alegia 2
Amezketa 2
Alkiza 2
Aduna 1
Albiztur 1
Belauntza 1
Berastegi 1
Hernialde 1
Leaburu-Txarama 1
Lizartza 1