Covid-19 birusagatik kutsatutako eskualdeko herritarren kopuruak gora egiten jarraitzen du, baina azken egunetan gertatu den moduan, igoera baxua izan da. Eusko Jaurlaritzako Osasun Sailak zabaldutako datuen arabera, lau herritan positibo bana igo da: Amezketa (hau zerrendan sartu da lehen aldiz), Irura, Anoeta eta Zizurkil. Bitxiena da zerrenda ofizial horretan Hernialdek 2 positibo izatetik bat izatera pasatu dela, eta Abaltzisketak positibo bat izatetik ez izatera pasa dela. Guztira, beraz, bi positibo gehiago batu dira eskualdean, aurreko eguneko datuekin alderatuta. Bestalde, Tolosaldeko hemeretzi herritan izan dira positibo kasuak.
Asuncion klinikari dagokionez, solairuetan ospitaleratuta 18 gaixo daude eta atzo hiru alta eman zituzten. Osasun Sailak emandako datuen arabera, bakar bat ere ez dago ZIU-n (Zainketa Intentsiboetako Unitatean).
Koronabirus kasuak udalerri bakoitzean:
- Tolosa 97
- Amasa-Villabona 22
- Ibarra 18
- Irura 15
- Anoeta 13
- Zizurkil 5
- Asteasu 4
- Altzo 3
- Bidania-Goiatz 3
- Alegia 2
- Aduna 1
- Albiztur 1
- Alkiza 1
- Amezketa 1
- Belauntza 1
- Berastegi 1
- Hernialde 1
- Leaburu-Txarama 1
- Lizartza 1