AEK aurrera begira jarri da eta Korrikako kultur eskaintza berritzeko urrats berri bat eman du. Bi urtetik behin Korrika Kulturalerako sorkuntza beka bat aterako duela iragarri du, eta lanak urtarrilera bitarte aurkeztu ahal dira. Lan horiek ez dira hurrengo Korrikarako izango hala ere, hau da, 2021erako, 2023ko Korrikarako baizik.
Euskal sortzaile guztiek dute bekara aurkezteko aukera eta proposamenean hainbat diziplina edo bakarra hartu daiteke kontuan, baina aurkezten diren emanaldiek agertoki edo plaza batean aurkezteko modukoak izan behar dute. Aurkezten diren sormen- lan horiek izan ahalko dira beraz, 23. Korrika Kulturaleko ekitaldi nagusia.
Beka 23.000 euroko izango da, eta 23. Korrika Kulturaleko egitarauaren barruan aurkeztuko dute, 2022ko azarotik 2023ko apirilera bitarte. Bekaren ezaugarriak www.korrika.eus webgunean ikusi daitezke, eta urritik urtarrila bitarte aurkeztu ahal izango dira lanak.
Azalpen gehiago bideo honetan: