Koronabirusa

Orain arteko igoerarik txikiena: positibo bakarra

Tolosaldeko Ataria 2020ko api. 6a, 12:47

Osasun Sailak atzo 20:00ak arteko datuak zabaldu ditu. Eskualdeko 17 herritan daude positibo kasuak. EAEko herri kutsatuenen artean dago Tolosa.

Covid-19 birusagatik kutsatutako eskualdeko herritarren kopuruak gora egiten jarraitzen du, baina orain arteko igoerarik baxuenarekin, positibo bakarra egon baita. Hori, Tolosan izan da. Guztira, beraz, 186 dira kutsatuta dauden herritarrak, beti ere Eusko Jaurlaritzako Osasun Sailaren arabera.

Asuncion klinikari dagokionez, solairuetan ospitaleratuta 22 gaixo daude; atzo baino bi gutxiago. Osasun sailak emandako datuen arabera, bakar bat ere ez dago ZIU-n (Zainketa Intentsiboetako Unitatean). Atzoko egunez alta bat egon zen.

Koronabirusa antzeman den guneetan egindako azterketa baten arabera, Tolosa herri kutsatuenen artean kokatzen da. 100.000 biztanleko egiten den bataz bestekoa kontuan izanda, EAEn positibo-tasa altuena duen lekuetako bat da, %0,4rekin, Gasteizko Abetxuko auzoaren (%1,2) eta Balmasedaren (%0,8) atzetik.

Koronabirus kasuak udalerri bakoitzean:

  • Tolosa 96
  • Amasa-Villabona 22
  • Ibarra 18
  • Irura 14
  • Anoeta 12
  • Asteasu 4
  • Zizurkil 4
  • Altzo 3
  • Bidania-Goiatz 3
  • Alegia 2
  • Hernialde 2
  • Aduna 1
  • Alkiza 1
  • Belauntza 1
  • Berastegi 1
  • Leaburu-Txarama 1
  • Lizartza 1

Grafikoak eta informazio gehiago Berria.eus webgunean.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!