Covid-19 birusagatik kutsatutako eskualdeko herritarren kopuruak gora egiten jarraitzen du, azken bi egunetan baino igoera handiagorekin, 11 positibo berri zenbatu direlako. Guztira, beraz, 185 dira kutsatuta dauden herritarrak, beti ere Eusko Jaurlaritzako Osasun Sailaren arabera. Positibo berrietan, 8 dira Tolosan zenbatutakoak, 2 Anoetan eta bat Iruran.
Asuncion klinikari dagokionez, solairuetan ospitaleratuta 24 gaixo daude; atzo baino lau gutxiago. Osasun sailak emandako datuen arabera, bakar bat ere ez dago ZIU-n (Zainketa Intentsiboetako Unitatean). Atzoko egunez zazpi alta egon ziren.
Koronabirus kasuak udalerri bakoitzean:
- Tolosa 95
- Amasa-Villabona 22
- Ibarra 18
- Irura 14
- Anoeta 12
- Asteasu 4
- Zizurkil 4
- Altzo 3
- Bidania-Goiatz 3
- Alegia 2
- Hernialde 2
- Aduna 1
- Alkiza 1
- Belauntza 1
- Berastegi 1
- Leaburu-Txarama 1
- Lizartza 1
Grafikoak eta informazio gehiago Berria.eus webgunean.