Gipuzkoako Foru Aldundiak urtero antolatzen dituen Udalekuak eta Gazte Oporraldiak kanpainetarako izen emate epea apirilaren 17ra arte luzatu da. Covid-19ak ekarri duen isolamendu egoeraren ondorioz, izena emateko modua ere aldatu egingo da aurten, eta online egin beharko da, Foru Aldundiko webgunea erabiliz.
Aurten, Gipuzkoako Foru Aldundiak 1.150 plaza eskainiko ditu Udalekuak kanpainan, iaz baino 80 gehiago. Izen-ematea bakarka edo taldeka egin daiteke, eta taldeka, gehienez ere, 3 pertsonako taldeak izan daitezke. Uztailaren 1etik 29ra bitarte izango dira udalekuak, biak barne.
Interesa dutenek, eskuragarri dituzte 2020 Udalekuak egitasmoan izena emateko esteka eta udalekuei buruzko informazio gehiago. Izen emate prozesuan sor daitezkeen arazoen arretarako, berriz, 943 44 59 80 telefonoa ahalbidetu du Aldundiak.