Covid-19 birusagatik kutsatutako eskualdeko herritarren kopuruak gora egiten jarraitzen du, baina aurreko astean baina abiadura motelagoan. Hiru kasu berri zenbatu ziren herenegun eta beste bost gehitu zitzaizkion zerrendari atzo. Eusko Jaurlaritzako Osasun Sailak gaur emandako informazioaren arabera, 149 dira koronabirusa duten Tolosaldeko herritarrak, horietatik gehienak, 80, Tolosan daude.
Atzoko datuekin alderatuta, Tolosa, Anoeta, Alkiza eta Asteasun kasu bana gehiago zenbatu dituzte, eta Hernialden ere atzeman dute koronabirusagatik gaixo dagoen lehen herritarra.
Asuncion klinikari dagokionez, solairuetan ospitaleratuta 28 gaixo daude; atzo baino bost gehiago. Osasun sailak emandako datuen arabera, bakar bat ere ez dago ZIU-n (Zainketa Intentsiboetako Unitatean). Atzoko egunean zehar ez zuten altarik eman Asuncion klinikan.
Koronabirus kasuak udalerri bakoitzean:
- Tolosa 80
- Ibarra 16
- Amasa-Villabona 15
- Irura 12
- Anoeta 8
- Zizurkil 4
- Altzo 3
- Bidania-Goiatz 3
- Alkiza 2
- Asteasu 2
- Aduna 1
- Alegia 1
- Leaburu 1
- Hernialde 1
Grafikoak eta informazio guztia Berria.eus webgunean.