Koronabirus kasuek gora egiten jarraitzen dute eskualdean, 12 kasu gehiagorekin

COVID 19aren positiboek goraka jarraitzen dute. Atzo, eskualdean azken astean neurtu den igoerarik txikiena zenbatu arren (egun bakarrean 6 kasu), azken 24 orduetan bikoiztu egin da zifra hori. Gaur eguerdian zabaldu dituzten datuak atzo 20:00etakoak dira.

Eusko Jaurlaritzako Osasun Sailetik zabaldutako datuen arabera, Tolosan 7 kasu gehitu dira egun bakarrean. Ibarran ere gorakada nabarmena izan dute koronabirus kasuek; 5 gehiago zenbatu dituzte. Eskualdean 141 kasu agertzen dira atzo iluntzeko kontaketan, bezperan baino 12 gehiago.

Asuncion Klinikari dagokionez, solairuetan ospitaleratuta 22 gaixo daude; atzoko datuekin alderatuta, zortzi gehiago. 13 alta eman dituzte, horietako bi ZIU-n (Zainketa Intentsiboetako Unitatean) zeuden.

Koronabirus kasuak udalerri bakoitzean:

  • Tolosa 79
  • Ibarra 16
  • Amasa-Villabona 14
  • Irura 11
  • Anoeta 7
  • Zizurkil 4
  • Altzo 3
  • Bidania-Goiatz 3
  • Aduna 1
  • Alegia 1
  • Alkiza 1
  • Asteasu 1

Grafikoak eta informazio guztia Berria.eus webgunean.

Erlazionatuak

Koronabirus kasuak, herriz herri

Tolosaldea

Eskualdean 141 koronabirus atzeman dituzte jada, eskualdean. Horietatik erdia baino gehiago zenbatu dituzte Tolosan: 79. Gainerako herriei dagokien...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!