Hastear da Gipuzkoa Encounter

Iazko Gipuzkoa Encouterren hartutako irudia

14. Gipuzkoa Encounter hasiko da 18:00etan, eta larunbata bitarte egongo martxan. Ekitaldi hau ere ezin izan dute ohi bezala egin, eta parte hartzaileak ez dira Tolosako Usabal kiroldegian elkartuko, bakoitza bere etxean egongo baita. 456 partaide ariko dira eta ekintzetako batzuk irekiak izango dira. 

Aukeran jarritako plaza guztiak segituan agortu direla esan du Gipuzkoa Encounter Euskaltel Fundazioak, 456 guztira, eta ondorioz teknologiazaleen erantzunarekin "oso pozik" daudela esan dute. Parte-hartzaileak online elkartuko dira gaur 18:00etatik aurrera eta larunbata gauerdia arte luzatu ahal izango dira.

Etxean Geratu Edition honetan elkartutako lagunek arlo anitzetan parte hartu ahal izango dute, etxetik mugitu gabe, Discord izeneko tresnaren bidez. Bertan, gaika bereizitako areto birtualak” topatuko dituzte, eta arte digitaleko, software libreko, hardwareko eta jokoetako lehiaketetan izen emateko aukera izango dute. 

Ekitaldietako batzuk irekiak izango direla ere esan dute antolatzaileek. Prestakuntza-hitzaldiak eta topaketa birtualaren programa doan entzun ahal izango direlarik Euskal Encounterreko Twitch kanalaren bitartez: https://www.twitch.tv/euskalencounter/

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!