Koronabirusa

100eko langa gainditu dute eskualdeko positiboek, orain arteko igoera handienarekin

Eusko Jaurlaritzaren datuen arabera, COVID 19-arekin egun bakarrean 24 kasu gehitu dira Tolosaldean. Gaur eguerdian zabaldu dituzten datuak atzo 20:00etakoak dira.

Eusko Jaurlaritzatik zabaldutako datuen arabera, Tolosan 12 kasu gehitu dira egun bakarrean. Horrez gain, Amasa-Villabonan, Ibarran, Anoetan eta Zizurkilen ere igoerak izan dira. Eskualdean guztira 105 positibo daudela diote datu horiek.

Asuncion Klinikari dagokionez, solairuetan ospitaleratuta 11 pertsona daude, atzo baino bat gehiago. Sei alta eman dituzte, horietako bi ZIU-n (Zainketa Intentsiboetako Unitatean) zeuden. 

  • Tolosa 56
  • Ibarra 1o
  • Irura 10
  • Amasa-Villabona 10
  • Anoeta 6
  • Zizurkil 4
  • Altzo 3
  • Bidania-Goiatz 2
  • Aduna 1
  • Alegia 1
  • Alkiza 1
  • Asteasu 1

Grafikoak eta informazio guztia Berria.eus webgunean.

 

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!