Eusko Jaurlaritzak emandako azken datuen arabera 21 dira eskualdean koronabirusean positibo eman duten herritarrak.
Eusko Jaurlaritzak koronabirusari buruzko herriz herriko datuak eman ditu eta 21 dira Tolosaldeko positiboak; 9 Tolosan, 5 Ibarran, 3 Iruran, 2 Villabonan eta bana Asteasun eta Zizurkilen.
Euskal Herrian berriz, 1.679 gaixok eman dute positibo koronabirusaren proba eginda, administrazioen arabera. 58 hil dira. COVID-19 gaitza izandako hemezortzi pertsona osatu egin dira. Grafikoak eta informazio guztia, berria.eus-en.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!