Koronabirusa

Modu telematikoan jasoko dituzte klaseak Loatzo musika eskolakoek

Etxetik ikastaroen jarraipena egiteko modua ahalbideratuko du Loatzo musika eskolak. Ikasleek berdin-berdin jarraitu ahalko dute klaseekin.

Loatzo musika eskolak modu telematikoan mantenduko du jarduera alarma egoerak irauten duen bitartean. Musika eskolako bulegoa martxan egongo da eta klaseen ohiko funtzionamendua mantendu egingo dute, egoerak ahalbidetzen duen neurrian.

Horrela, gurasoekin adostuta, bakoitzaren baliabideen araberako jarraipena egingo da. Musika tailerreko, musika hizkuntzako eta abesbatzako arloetako etxeko lanak bidaliko dira emailez, ikasle bakoitzak klasea duen egunetan. Musika tresnen klaseak berriz, skype, audio grabaketak, whatsapp, bideo deiak eta antzeko baliabideen bidez eskainiko dira.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!