Eusko Jaurlaritzak jakinarazi du EAEko ikastetxeetarako ezarritako 14 eguneko itxialdia, luzatzea erabaki duela. Itxialdia hortaz "beste abisu bat eman arte" luzatu du.
"Gertaeren bilakaera" eta agintariak hartzen ari diren neurriak dira itxiera epea luzatzea erabakitzeko arrazoia, Hezkuntza Sailak ohar batean azaldu duenez. Irakasle, ikasle eta gurasoei aurreko egunetan emaniko gidalerroek indarrean jarraitzen dutela gaineratu dute oharrean. Osasun agintariek emaniko aholkuei zorrotz jarraitzeko eskatzen diete denei, "normaltasunari ahalik eta lasterren berrekin ahal izateko".