Emakume bat hilik aurkitu zuten atzo goizean Soraluzeko etxe batean. Ertzaintzak haren semea atxilotu zuen handik ordu gutxira, ama hil izana leporatuta. Gizonak 33 urte ditu, eta Elorrioko udaltzain bat da. Eusko Jaurlaritzako Segurtasun Sailak jakinarazi zuenez, andreak 74 urte zituen, eta aurpegian kolpe bat zuen hilda aurkitu zutenean.
Azken hilketa honekin 105 dira 2003tik Euskal Herrian indarkeria matxista dela eta erail dituzten emakumezkoak, eta hori dela eta Euskal Herriko Emakumeen Mundu Martxak kazeroladak deitu ditu gaurko, eta Tolosaldeko Asanblada Feministak ere bere egin du deia. Emakume eraila Soraluzen! Toli, gogoan zaitugu! lelopean nork bere balkoitik protesta egitera animatu dituzte herritarrak