Koronabirusa dela eta, honen hedapena saihesteko protokoloa ezarri du Atariak. Osakidetzak eman dituen aholku orokorrak jarraituz, 'Tolosaldeko Ataria'-ko langileetako batzuk etxetik ari dira lanean eta lanerako ezinbesteko harremanetan aurrez aurreko topaketak ere saihestuko dira. Zaintza eta lana uztartzeko aukera eskaini ahal izateko hartu da erabakia eta baita hedabideko funtzionamendua bermatzeko ere. Hala ere, unean uneko erabakiak hartuko dira etorkizunera begira.
'Ataria'-ren asmo eta nahia da koronabirusari eta bestelako gaiei buruzko informazioa ematen jarraitzea eta ohiko argitalpenekin jarraitzea, nahiz eta osasun krisi honek eragin handia izan duen aktualitate informatiboan. Era berean, webgunea eguneratzen ariko da une oro, ahal den neurrian. Irratian berriz, momentuz, euskal musika bakarrik entzungo da.