Danok Danena taldekoak garaile, Federazioen Arteko Txapelketan

Danok Danena halterofilia taldekoek ekin diote aurtengo denboraldiari. Otsaila bukaeran parte hartu dute Liga Nazionaleko I. Jardunaldian eta Federazioen Arteko Txapelketan.

Liga Nazionaleko I. Jardunaldian A taldetik Xabier Amonarrizek parte hartu zuen, B taldetik Igor Sasiain, Asier Gallego, Gorka Endjilo, Jon Kepa Kortajarena, Jon Rodriguez eta Pablo Ucero, eta C taldetik Andres Rubiños, Aitor Tecedor, David Morales, David Rubio eta Ioan Laver.

Federazioen Arteko Txapelketan Gipuzkoa izan zen txapelduna gizonezkoetan, taldea osatzen zuten pultsulari guztiak Danok Danekoak izanik: Mikel Alvarez, Ekaitz Kortajarena, Alejandro Tomas, Jon Sasiain eta Jon Ander Iriarte. Banakakoetan Mikel Alvarez izan zen txapelduna eta hirugarren postua Ekaitz Kortajarenarentzat izan zen. Pultsulari horiek guztiek Liga Nazionalean A taldean lehiatzeko puntuak lortu zituzten.

Emakumezkoen Gipuzkoako taldea ere Danok Danenako pultsulariek osatu zuten: Naiara Madrid, Nalu Herranz eta Alazne Gomez. Bi pultsulari falta zitzaizkien talde osoa egiteko, eta bigarren geratu ziren Bizkaiaren atzetik.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!