Emakume Master Cup Binakako Txapelketako final-laurdenak jokatu ziren asteburuan, bai pilota goxoarekin eta baita pilota mistoarekin ere. Eskualdeko ordezkarietatik aurrera egin duen bakarra Miren Larrarte bidaniarra izan da, pilota mistoan. Olatz Ruiz de Larramendirekin batera 18-4 irabazi zioten Maddi Unanue eta Naroa Agirreri, Getarian egindako jaialdiaren barruan. Finalerdia Beasainen izango dute, igande honetan, eta aurkariak Leire Garai eta Nora Mendizabal izango dira.
Pilota goxoa modalitatearen final-laurdenak Pasaian jokatu ziren, eta eskualdeko ordezkari guztiek galdu zituzten euren partidak. Maider Mendizabal anoetarrak Ane Arteagarekin batera 18-8 galdu zuten Iera Agirreren eta Maite Ruiz Larramendiren aurka. Ane Urkizu berastegiarrak Andrea Aldaregiarekin batera 18-8 galdu zuen Irantzu Etxebeste eta Leire Etxanizen aurka. Eta Uxue Larrea ikaztegietarrak eta Lierni Gartziarena berastegiarrak 18-1 galdu zuten Eneritz Arrieta eta Amaia Jakaren aurka.
Eskualdeko bost pilotari aritu dira lehian Emakume Master Cupeko final-laurdenetan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!