BINAKAKO TXAPELKETA
|
BIKOTEAK |
JOK |
Irab |
T Al |
T Aur |
KOEF |
1 | JAKA-ZABALETA | 11 | 9 | 238 | 162 | 76 |
2 | ARTOLA-IMAZ | 11 | 7 | 221 | 199 | 22 |
3 | EZKURDIA-MARTIJA | 11 | 7 | 224 | 206 | 18 |
4 | ALTUNA III -L.GALARZA | 11 | 6 | 214 | 206 | 8 |
5 | LASO-ALBISU | 11 | 6 | 213 | 219 | -6 |
6 | IRRIBARRIA-REZUSTA | 11 | 4 | 202 | 212 | -10 |
7 | OLAIZOLA II-URRUTIKOETXEA | 11 | 4 | 176 | 225 | -49 |
8 | BENGOETXEA VI-MARIEZKURR. | 11 | 1 | 182 | 241 | -59 |
Jaka eta Zabaletak gainditu dute lehen ligaxka. Orain, lehen bi postuetan geratzen diren ikusi beharko da, zuzenean finalerdietara sailkatzeko. Asteburuan Idiazabalen jokatu zuten Laso-Albisuren aurka. Partidan Zabaletak agindu zuen, lizartzarraren laguntzarekin. 22-16ko emaitzarekin lortu zuten txapelketako bederatzigarren puntua. Hurrengo partida ostiralean jokatuko dute Zestoan, 22:00etan hasiko den jaialdian. Aurkariak, Olaizola II-Urrutikoetxea izango dituzte.
Iñaki Artolak eta Ander Imazek puntu ikusgarria lortu zuten Iruñean larunbatean. Aurkari gogorrak zituzten aurrean, Irribarria-Rezusta, eta azken tantoan erabaki zen lehia. 22-21 izan zen azken emaitza, eta sailkapenean bigarren jarraitzen dute alegiarrak eta oiartzuarrak 7 punturekin. Hurrengo partida Ezkurdia-Martijaren aurka jokatuko dute Tafallan, igandean.
Altuna III.a izan da asteburuan irabazi ez duen eskualdeko pilotaria. Baina gertu izan zuen atzo garaipena, 22-21 galdu baitzuen Olaizola II-Urrutikoetxearen aurka. Ladis Galartza izan zen protagonistetako bat. Amezketarraren atzelariak pilota ugari galdu zituen eta txapelketan horrek bere ordaina izaten du. Hala eta guztiz ere 21ean geratu ziren. Hurrengo partida Laso-Albisuren aurka jokatuko dute Bilbon, larunbatean.