LAB sindikatuak esan duenez eskualdeko enpresa eta denda txiki zein ostalaritza gehiena itxita dago gaur. Greba orokorrerako deiak erantzun zabala jaso du beraz, Tolosaldean. LAB sindikatuko Feli Insaustik esan duenez, %95ak greba egin du eta gutxi dira irekita dauden eskualdeko enpresak.
Industrian eta zerbitzuen barruan batez ere, ostalaritzan ari da nabaritzen lanuztea, «inguruko ostalaritza eta komertzio txiki gehienak itxita daude, bakarren bat irekita dago, baina gehiengoak egin du bat greba orokorrarekin». Balorazioa beraz, positiboa da eta Insaustik esan du oso pozik daudela, «jendeak greba egiteko arrazoiak daudela ikusten du».
Piketeak egon dira goizean goiz eta hainbat identifikazio egon dira, baina LABen momentuz ez dute informazio gehiago, «oraindik ez dakigu horrek zer ondorio ekarriko duen».
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
