U30 Greba Orokorra

"Soldatak gora, pertsianak behera"

Goizean goizetik pikete informatiboak egin dituzte Aiztondo bailaran; Asteasuko Gamesan egin dute hitzordua 05:30ean eta parte hartzaileek aipatu dutenez "jarraipen zabala" izan du grebak Aiztondoko enpresetan.

Adunako Integrados enpresako biltegian 12 pertsona identifikatu dituzte eta grebalariek "tirabirak" izan dituzte bertara joan diren langileekin.

09:00etan Errebote plazan egin dute hitzordua eta kalez-kale ibili dira. Zabalik zeuden komertzioetan informazioa banatu dute, grebarekin egiten diren aldarrikapenak azalduz.

Herriari itzulia eman ondoren, 10:30ean Txermingo aparkalekura abiatu dira grebalariak. Handik abiatu dira grebalariak Donostiara kotxe-karabana eginez. Herrialde mailako manifestazioan hartuko dute parte.

Arratsaldean, 17:30ean, Aiztondo mailako manifestazioa abiatuko da Villabonako Errebote plazatik.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!