Eduardo Zubiaurreren esan nagusiak:
"Pentsioen gaia gizartean dago. Ondo aztertu behar da eta irtenbidea emateko soluziorik onena aurkitu".
"Grebaren deitzaileek salatzen dituzten arazoak konplexuak dira. Elkarrizketa, negoziazioa eta adostasunak eskatzen dituzten arazoak dira. Horietako askoren eskumena Euskadiko administrazioetatik kanpo dago, gorago".
"Euskadin greba orokorra deitzea ulertezina, justifikatu ezina eta axolagabekeria bat da: Estatuko oinarrizko soldata altuena dago; Gizarte Segurantzako afiliazioa errekorrak markatzen ari da kontratazio mugagabeekin eta gizarte politika horren garatuak izanda".
"Ez dugu ukatzen gizarteko sektore batzuk ez daudela ongi. Baina Euskadi zein egoeratan dagoen aztertu behar da: langileen gehiengoak oinarrizko soldata baino soldata askoz altuagoa ditu".
"Euskadik bizi duen egoera ez da inondik inora saldu nahi diguten bezain larria; gizartean alarma sortu nahi dute deitzaileek, eta ez dago horretarako arrazoirik".
"Pentsiodunen gaiarekin neurriak aztertzen ari dira, gustukoak izango ez direnak. Baina ondo azaldu beharko dira, eta uneren batean, ezartzen hasi. Erretiroa hartzeko adina, adibidez. Aztertu beharko da pentsio publikoen sistema nolako prestazioak ematen ari den, beti esaten baita, jasotzen duena baino askoz gehiago ematen duela".
"Teknikoki, (pentsioen) sistemak jasangarria izateko doikuntzak behar ditu. Ez dira gai errazak, baina argi dagoena da osteguneko bezalako ekimenekin ez direla konponduko".