Arrapaska, bebarru, ixipua, maitatruk edo txatola. Galtzaundi Euskara Taldeak Hitzolariak egitasmoaren harira sortutako hiztegi digitalean bildutako 850 hitzetako batzuk dira. Pasa den Euskararen Nazioarteko Eguna dela eta, Tolosaldeko herriei egindako proposamenaren karietara sortutako hiztegia da. Egitasmoaren helburua zen eskualdean erabiltzen diren hitz propioak biltzea, hitz zaharrei esanahi gaurkotua eranstea edota hitz berriak sortzea. Eta baita lortu ere. 1.000 hitzetik gora jaso zituen euskara taldeak, eta horiek txukunduta 850 hitz bildu dituzte orain, galtzaundi.eus webgunean eskuragarri jarri duten hiztegian. Ondorengo lerroetan daude horietako batzuk.
Hitzolariak
Hiztegi digitala
A
Ahardia: s.f. Txerri emea.
Akagurea: s.f. Norbait akabatzeko gogoa.
Apretak: s.f. Alpargatak.
B
Basura: s.f. Goiezko ihintza.
Bertsonaia: s.f. Bertsoz osatutako pertsonaia.
D
Dinde: s.f. Katarroa hartzean sortutako muki arina.
Draba: s.f. Gurdia frenatzeko tresna.
E
Erikoa: s.f. Baldarra.
Erromaia: s.f. Orea egiteko mahaia.
G
Gaishop: s.f. Kontsumisten gaitza.
Gorgoña: s.f. Kolunpioa.
M
Maitatruk: s.f. Doan.
O
Osoba: s.f. Osaba Villabona eta inguruetan.
Z
Zaputz: s.f. Umore txarrekoa, jendarteari ihes egiten diona.
Zumitza: s.f. Gaztainondoaren edo hurritzaren egur xafla estuak, saskiak egiteko.