Anestesia zerbitzuak koordinatuta, min akutu eta azpiakutuekin hasiko dira lanean, gero min kronikoei heltzeko.
Tolosako Asuncion klinikak jakinarazi du, minaren unitatea martxan jarri berri dutela. Klinikako anestesia zerbitzuak koordinatuko du unitate berria, psikologia eta neurokirurgia zerbitzuen laguntzaz, eta min akutu eta azpiakutuak dituzten pazienteak artatuz hasiko dira.
«Pixkana hazten joatea» da Asuncionen helburua, eta ohiko tratamenduekiko erresistentzia duten min kronikoei ere heldu nahi diete, horrela. Mediku espezialistek hara bideratutako sare publiko nahiz pribatuko pazienteak artatuko dituzte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
