Lehen mailan bezala, promozio txapelketan lehen itzulia joan den asteburuan amaitu zen. Hiru bikote daude sei garaipenekin sailkapen buru. Horien artean dago Jon Ander Peña tolosarra, Aranguren lagun duela. Azken partida Tolosan jokatu zuten, Zabala-Ruizen aurka. Peña II eta Aranguren erraz nagusitu ziren, 22-12ko emaitzarekin. Bigarren itzuliko lehen partida ostiral honetan jokatuko dute Getarian, Alberdi-Salaverriren aurka.
Txapelketa honetan eskualdeko bigarren ordezkaria Beñat Urretabizkaia da. Ikaztegietarra bosgarren dago, Arteaga II.arekin bikotea osatuz. Bi garaipen besterik ez dituzte baina laugarren postua puntu bakarrera dute. Azken partida, gainera, berezia izan zen Urretabizkaiarentzat, Alegian jokatu baitzen. Emaitza, ordea, ez zen nahi bezain ona izan. 12-22 galdu zuten Salaberria-Garmendiaren aurka. Hurrengo partida Zumaian jokatuko dute, larunbatean, Agirre-Eskiroz liderren aurka.
BINAKAKO TXAPELKETA, PROMOZIO MAILA
|
|
BIKOTEAK |
JOK |
Irab |
T A |
T Aur |
KOEF |
| 1 | AGIRRE - ESKIROZ | 7 | 6 | 153 | 106 | 47 |
| 2 | PEÑA II - ARANGUREN | 7 | 6 | 147 | 119 | 28 |
| 3 |
ELORDI - O. ETXEBARRIA |
7 | 6 | 153 | 127 | 26 |
| 4 | EGIGUREN - EROSTARBE | 7 | 3 | 127 | 129 | -2 |
| 5 | ARTEAGA II - URRETABIZKAIA II |
7 | 2 | 121 | 133 | -12 |
| 6 | SALABERRIA - GARMENDIA | 7 | 2 | 126 | 141 | -15 |
| 7 | ALBERDI - SALAVERRI | 7 | 2 | 116 | 142 | -26 |
| 8 | ZABALA - RUIZ | 7 | 1 | 103 | 149 | -46 |