Binakako txapelketako ligaxkaren lehen itzulia asteburuan amaitu zen. Eskualdeko pilotariek bi partida irabazi eta bat galdu zuten. Jaka eta Altuna III.a izan ziren garaileak; Artola, galtzailea. Zazpi jardunaldiren ondoren, lizartzarra eta amezketarra aurkitzen dira sailkapenaren lehen postuetan. Jaka-Zabaleta ibilbide sendoa burutzen ari dira. Partida bakarra galdu dute eta azken jardunaldian erakutsi zuten bezala, aurkariak erraz gainditzen dituzte. Artola-Imaz 10ean utzi zituzten Tolosako Beotibarren.
Altuna III-Galartza ez ziren ondo hasi. Lehen bi partidak galdu egin zituzten. Ondorengo bostak, ordea, irabazi. Amezketarra sasoi betean dago, eta aurkariei beldurra sartzen ari zaie. Azken partidan 22-14 irabazi zien Bengoetxea VI-Mariezkurrena II.ari.
Artola-Imaz ez daude gaizki sailkapenean. Hala eta guztiz ere, lehen partidetako garaipenei esker daude laugarren postuan. Orain arte bezala, bigarren itzulian lana egitea tokatuko zaie.
Hurrengo jardunaldiko partidak
- Urtarrilak 10, ostirala, Getarian: Artola-Imaz vs. Laso-Albisu.
- Urtarrilak 11, larunbata, Iruñeko Labriten: Ezkurdia-Martija vs. Altuna III-Galartza.
- Urtarrilak 11, larunbata, Etxebarrin: Irribarria-Rezusta vs. Jaka-Zabaleta.
Binakako Txapelketa, lehen maila
|
BIKOTEA |
JOK |
Ira |
T Al |
T Au |
KOEF |
1 | JAKA - ZABALETA | 7 | 6 | 153 | 99 | 54 |
2 | ALTUNA III - L. GALARZA | 7 | 5 | 144 | 121 | 23 |
3 | EZKURDIA - MARTIJA | 7 | 4 | 149 | 131 | 18 |
4 | ARTOLA - IMAZ | 7 | 4 | 134 | 131 | 3 |
5 | LASO - ALBISU | 7 | 3 | 131 | 143 | -12 |
6 | IRRIBARRIA - REZUSTA | 7 | 3 | 124 | 137 | -13 |
7 | OLAIZOLA II - URRUTIKOETXEA | 7 | 2 | 109 | 147 | -38 |
8 | BENGOETXEA VI - MARIEZKURRENA II | 7 | 1 | 118 | 153 | -35 |