Eneritz Itxaso billabonatarrak, Garazi Alkain amezketarrak, Matilde Etxeberria tolosarrak eta Intza Egiguren anoetarrak asteburuan jokatu dute erkidegoen arteko Espainiako Txapelketa.
Euskadiko selekzioak lehen fasea jokatu du Lezaman (Bizkaia), eta bertan Aragoiko selekzioari 3-1 irabazi zion eta Kataluniako selekzioaren aurka 1-3 galdu zuen. Bigarren fasea otsailaren 14tik 16ra jokatuko dute. Eskualdeko lau futbol jokalariek Tolosa CF klubean jokatzen dute.
Selekzio osoa azaltzen den argazkian, eskualdeko lauak makurtuta daude. Ezkerretik bigarrena da Eneritz Itxaso, laugarrena Garazi Alkain, bosgarrena Matilde Etxeberria eta zazpigarrena Intza Egiguren.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!