Ohi bezala, Alegiako Elorri pilotalekuan elkartu dira, txapelketako argazki ofiziala ateratzeko. Ondoren, herri ezberdinetara banatu dira pilotariak, partidekin hasteko. Aurrebenjamin eta benjamin mailakoak Alegian bertan hasi dituzte partidak. Altzon alebinak eta kadete neskak hasi dira norgehiagokak egiten. Amezketan elkartu dira infantil mailakoak. Eta Ikaztegietan mutil kadeteak. Hamabi tantotara egiten dituzte partidak, eta eskuz ari dira jokatzen, pilota goxoarekin.
Gaur eta bihar jokatuko dituzte finalerako sailkatzeko partidak. Zenbait mailatan gaurko egunarekin nahikoa izango dute. Finalak Ikaztegietan jokatuko dituzte, abenduaren 30ean, astelehena, 16:00etan hasita.