Bertan, mekanika orokorra egiten dute, baita autokarabanetan ere. Tratuari ere garrantzia ematen diote: «Bezeroek gugandik gehien baloratzen dutena da beti erakusten diegula zer egin diogun kotxeari», dio Alamok.
Hori dela eta, gertuko tratua ematen diete bezeroei, eta beraiekin konfiantza handia dute. «Asko eskertzen dute pieza nola izorratu den eta motorrari zer kalte egiten zion azaltzea».
Alamok nabarmendu du jendeak gero eta garrantzia handiagoa ematen diola kotxea ondo edukitzeari: «IAT ibilgailuen azterketa teknikoaren berrikusketan ere gauza gehiago eskatzen dituztenez, jendeak hobeto edukitzen du kotxea». Gainera, azterketa horretan erabiltzen diren makineria bera daukate. Beraz, konfiantza giroan eta puntako makineria erabiliz kotxea konpondu nahi duenak Zizurkilen dauka Urkamendi Motor tailerra.