«Horrelako motor bat erosi nahi genuenean konturatu ginen hemen ez zegoela dendarik», esan du. Etxeberria lanik gabe geratu eta Harley-Davidsonen ordezkoak, arropa eta osagarriak saltzen hasi ziren, eta handik urte gutxira marka bera gerturatu zitzaien. Hasieran Tolosan eta gero Anoetan jarri zutena txiki geratu eta Villabonako Cheyenne dendara joatea erabaki zuten.
Bertara sartuta, denetatik ikusi daiteke: motor handiak eta txikiagoak, arropa, osagarriak… «Hona etorri eta motorra erosten duena denarekin ateratzen da», ziurtatu du. Mota eta prezio askotako motorrak dauzkate: «6.700 eurokoak, 8.000koak, 11.000koak… Oso prezio onak ditugu baita erraztasun guztiak ere. Motor hauek denon eskura daude». Erraztasun horien artean daude, esaterako, finantzatzea eta asegurua. «Denda ofizial batera etortzeak segurtasuna eta kalitatea ematen ditu», gaineratu du. Hori dela eta, badauzkate errepikatzen duten bezeroak ere: «Jende askok aurrena motor txikia erosten du, eta gustatzen zaienez, handiagoaren bila etortzen dira gero». Gainera, erosi aurretik probatzen uzten diete, inolako konpromisorik eta kosturik gabe, eta motorrak alokatzeko aukera ere badago. Behin erosita, berriz, edozein konponketetarako tailerra ere Villabonan bertan daukate.
Harley-Davidson motor bat erosteak bizitzeko modu berri bat irekitzen duela dio Etxeberriak: «Antolatzen diren jaialdiek beste jende bat ezagutzeko aukera ematen dizute». Emozio asko ematen duen marka bat da. «Probatu eta sentitu», esan du. Azaroak 29tik aurrera bizimodu horretan murgiltzeko aukera paregabea egongo dela azaldu du: «Black friday dela eta, bihartik aurrera deskontuak izango ditugu dendan».