Amezketan eskolako haurrek antzerkia eskaini die kultur etxera gerturatu diren herritarrei. Hauek barre ederrak bota dituzte txikienen ateraldiekin eta Pernando Amezketarraren historiekin. Ondoren, guztiek Lau Teilatu abestia kantatu dute.
Iruran, ikastolako haur eta irakasleak masailetan A3 margotuta joan dira plazara. Bertan, Gorka Murua alkateak euskararekiko konpromisoak irakurri ditu. Ondoren, urtero bezala, haurrek dantza egin dute.
Alkizan, #hitzolariak jolasean ibili dira, hitzekin eta musikarekin. Sari banaketa ere egin dute.
Ibarran, larunbatean hasi ziren Euskararen Eguna ospatzen, babarrun festaren baitan.
