Honenbestez, hezkuntzaren erdia kontzertatuta dago; osasun garraioak (anbulantziak), ospitaleen eraberritzeak, erietxeen garbiketak pribatuki kudeatzen dira. Tolosaldeko eskualdeko ospitalearekin gertatzen ari dena, pribatuki kudeatzen diren gainerako oinarrizko zerbitzu publikoekin gertatu daitekeenaren erakusgarri da.
Oinarrizko zerbitzuek ez dute mozkinik ekarriko. Ezinezkoa da. Beti gastatu ahal izango da dirua oinarrizko zerbitzua hobetzen. Eta hori ez dago, sinestarazi nahi diguten bezala, gauza publikoen erabilera arrazoitu eta efizientearekin lehian. Zerbitzua enpresa pribatu batek kudeatzen badu beti lortu nahiko du etekina, zerbitzuetatik edo lan baldintzetatik zati bat hartuta. Edo diru publikoarekin muntatutako azpiegitura aprobetxatuta, mozkinak ematen dituzten zerbitzu pribatuak bertan eskainiz. Honenbestez, modu batera edo bestera, oinarrizko zerbitzuen pixkanakako endekapena etorriko da, krisian sartuko dira eta azkenean diru publikoarekin erreskatatu beharko dira. Eta berriro, ostera, hastera.
Osasungintza bezalako oinarrizko zerbitzu publikoen kudeaketa pribatizatzeko legeak onartu behar diren garaian, elkarlanean jarduten du EAJk Madrilen, PSOE edo PPrekin. Eta gero Madrilen onartutako legeak garatu ahal izateko araudia onartzen du Eusko Legebiltzarrean, PSOE edo PPren laguntzarekin. EAEn, ordea, EAJk beti gobernatu behar izan du ezkerreko sentsibilitatedun taldeekin, eta horri esker aurrekontuaren zati handi bat herritarrentzako zerbitzuak ematera bideratu du, hori bai, guztia edo ia guztia kudeaketa pribatutik pasata.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!