Berastegi eta Bidania-Goiatzen elkarretaratzeak egin dituzte gaur arratsaldean eta Aiztondoko talde feministek antolatuta, Asteasu, Zizurkil eta Villabonan ekimen ibiltaria egin da. Aurten Espainiako estatuan eraildako 94 emakumeen izenak irakurtzearekin batera, emakume bakoitzeko zapata parea jarri dute plaza erdian. Ekintza Asteasun abiatu dute eta han gaztaina jatearekin eta abesbatzaren kantuekin jarraitu dute protesta ekitaldia. Zizurkilen eta Villabonan ere modu berdinean salatu dute indarkeria matxista Aiztondoko feministek.
Tolosaldeko Asanblada Feministak deituta, berriz, ekintza performatiboa egin dute Tolosako Zubiberrin. Ibarra eta Tolosako feministak bildu dira bertan, Indarkeriaren aurrean, saretze feminista lelopean. Deabruak Kalera asanblada feministakoak ere bertan izan dira.