Binakako esku pilota txapelketa hainbat ezustekorekin aurkeztu dute, gaur, Bilbon. Nagusiena aurrelari txapeldunarena izan da. Elezkano txapelketatik kanpo utzi du Aspek. Bere lekua Irribarriak hartuko du, atzelari txapeldunarekin, Rezustarekin bikotea osatuz. Urrutikoetxeak, bestalde, atzelari bezala jokatuko du Aimar Olaizola aurrean duela.
Erik Jaka izan da beste protagonistetako bat Bilbon. Lizartzarrak Zabaletarekin jokatuko du binakako txapelketa, bikote oso arriskutsua osatuz. Debuta Bergaran egingo du igandean, Irribarria-Rezustaren aurka.
Iñaki Artolak Imazekin jokatuko du eta Jokin Altunak Ladis Galarzarekin. Alegiarrak astelehenean Tolosako Beotibarren jokatuko du, Laso-Albisuren aurka. Amezketarrak, ostiralean, Azkoitian.
Ostiralean hasiko den txapelketaren finala apirilaren 4an jokatuko da Bizkaia frontoian.
Aurten ere ligaxka formatuan jokatuko da. Baina bada berritasun bat. Lehen bi sailkatuak zuzenean izango dira finalerdietako ligaxkan. Eta beste bi bikoteak kanporaketa bidez erabakiko dira. Hirugarren sailkatuak seigarrenaren aurka jokatuko du, eta laugarrenak bosgarrenaren kontra. Irabazleak finalerdietako ligaxka jokatuko dute. Kanporaketa horiek otsailaren 29an eta martxoaren 1ean jokatuko dira.
LEHEN MAILAKO ZORTZI BIKOTEAK
Laso-Albisu
Bengoetxea VI-Mariezkurrena II
Artola-Imaz
Olaizola II-Urrutikoetxea
Jaka-Zabaleta
Irribarria-Rezusta
Altuna III-Ladis Galartza
Ezkurdia-Martija
PROMOZIO TXAPELKETA ZORTZI BIKOTEAK
Alberdi-Salaberri
Agirre-Eskiroz
Peña II-Aranguren
Arteaga-Urretabizkaia II
Salaberria-Garmendia
Zabala-Ruiz
Egiguren-Erostarbe
Elordi-Etxeberria