Atzo eguerdian, 12:30ak inguruan, kamioi batek su hartu zuen N-1 errepidean, Irura parean eta Donostiako noranzkoan. Auto ilara luzeak sortu ziren ezbeharraren ondorioz, Olaberriaraino iritsiz. Pilaketan zeuden gidariak kexu agertu ziren, informazio eza edo kaosa izan zela aipatuz. Eusko Jaurlaritzaren Barne Saileko Trafiko Zuzendaritzatik, euren erabakia arrazoitu dute:
Trafiko Zuzendaritzaren oharra:
"Atzoko kasuan by pass bat egitea ez zen bideragarria. Horretarako, besteak beste, ondorengo faktoreak hartu behar izaten dira kontuan:
- Leku guztiak ez dira egokiak.
- Galtzadak nibel desberdinetan.
- Isurkiak eta abar.
- Erdiko bionden desmuntatzea.
- Konoak jarri behar dira by pass-ean eta ondoren berriro kendu.
- Langileen lan hori patruila bidez aseguratu behar da.
- Aurkako noranzkoan erretentzio garrantzitsuak sortzen dira.
By-pass-a egitea baloratu ondoren, ingurunearen ezaugarriak kontuan hartuta, 5 bat orduko lana izango zela ikusi zen".