Lehen mailako lau eta erdiko pilota txapelketaren lehen fasea asteburuan amaituko da. Aurrera egingo duten lau pilotarien izenak orduan jakingo dira. Horietako bat Jokin Altuna izango da, A multzoko buru pasako da amezketarra, nahiz eta Victor-en aurkakoa galdu.
Lau eta erdiko esku pilota txapelketako asteburuko partidak:
- Ostirala, 20:00etan, Irunen: Victor vs. Altuna III.
- Ostirala, 20:30ean, Balmasedan: Ezkurdia vs. Artola.
- Igandea, 17:00etan, Tolosako Beotibarren: Jaka vs. Peio Etxeberria.
- Larunbatean, 17:45, Iruñeko Labriten: Bengoetxea VI vs. Laso.
Artolaren eta Jakaren aukerak
- Erik Jakaren aukerak argiak dira: irabazten badu finalerdietan egongo da; galtzen badu, ez.
- Artolak irabazi egin beharra dauka, zeren, gerta liteke Artola, Laso eta Bengoetxea VI.ak ligaxka garaipen bakarrarekin amaitzea. Kasu horretan ere jai dauka alegiarrak baina hori agian ez da nahikoa izango. Bengoetxea VI.a eta Lasoren arteko larunbateko partidaren zain egon beharko du, beraz.
- Artolak Ezkurdiari irabazita eta Lasok galtzen baldin badu, Artola multzo buru pasako da finalerdietara.
- Artolak Ezkurdiari irabazita eta Lasok Bengoetxea VI.ari irabazten baldin badio, Artolak Ezkurdia 14ean edo gutxiagoan utzi beharko luke.