Aurten Tuteran izango da Nafarroako ikastolen aldeko Nafarroa Oinez festa eta, urteroko moduan, Galtzaundik autobusa antolatuko du, Tolosaldetik hara bertaratu nahi duten euskaltzaleentzat. Izen-ematea zabalik dute, eta datorren ostegunera bitarte izango da horretarako aukera. Prezio orokorra 12 eurokoa izango da, eta Galtzaundikide edo Atarikide direnek 10 euro ordainduko dute.
Autobusa hainbat herritatik pasatuko den modu berean, izen-ematea ere Tolosaldeko hainbat puntutan egin ahal izango da: Alegiako kultur etxean, Anoetako ikastolan, Ikaztegietako ostatuan, Irurako ikastolan, Tolosako Galtzaundiren bulegoan, Villabonako Zubimusu ikastolan eta Zizurkilgo Ernio bidea 9ko bulegoetan.
Igandean, berriz, 08:30ean Tolosaldetik irten, eta 19:00etan izango da handik itzultzeko ordua. Honako geldialdiak egingo ditu autobusa, Tolosaldean:
- IKAZTEGIETA: 08:30 Kiroldegiko aparkalekuan
- ALEGIA: 08:35 Ferreteriko geltokian
- TOLOSA: 08:40 Zezen plazan
- ANOETA: 08:45 Apaetxe baserrian
- IRURA: 08:50 Ikastola parean
- VILLABONA: 08:55 Eliza aurreko geltokian
- ZIZURKIL: 09:00 Joxe Arregi plazan