Mujikak bigarren amaitu zuen eta hirugarren postuan sailkatu zen Mozo. Irabazlea Jon Larrañaga mendaroarra izan zen, 50 lokotxak biltzen 6 minutu eta 48 segundoko denbora eginez. Mujikak 20 segundo gehiago behar izan zituen lanak amaitzeko, eta Mozok, berriz, 30 segundo gehiago.
Uxer Mozok aurreko egunean, larunbatean, Euskal Herriko Lokotx Biltze Txapelketan parte hartu zuen. Gipuzkoatik bi ordezkari joan ziren, zozketa bidez aukeratuak, oraindik ez baitzen Gipuzkoako Txapelketa jokatu. Igantzin egin zen txapelketa eta Mozok zortzigarren postua lortu zuen, 7.30eko denborarekin, irabazlea izan zen Imanol Kañamaresengandik minutu bat eta zazpi segundora.
Gipuzkoako Lokotx Biltze Txapelketa izan zen jokoan pasa den igandean, Aizarnazabalen, eta bertan parte hartu zuten Asier Mujika tolosarrak eta Uxer Mozo ikaztegietarrak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!