33 urteko kartzela zigorra Agirrebarrena eta Guridirentzat

Espainiako Auzitegi Nazionalaren arabera, Maximo Casado espetxe funtzionarioaren hilketagatik zigortu dituzte lizartzarra eta billabonatarra.

Auzitegi Nazionalak 33 urteko kartzela zigorra jarri die Xabier Garcia Gaztelu ETAren alor militarreko buru ohiari eta ETAko beste hiru kideri 2000. urtean, Gasteizen, Maximo Casado Carrera espetxe funtzionarioa hiltzeagatik.

Ebazpenean agertzen denez, Gaztelu izan zen atentatua egiteko agindua eman zuena, eta hauek, burura eraman zutenak: Iñigo Guridi Lasa, Asier Arzalluz Goñi, eta Aitor Agirrebarrena Beldarrain.

Gainera, lauei zigor bera jarri die, 30 urte eraso terrorista delitua leporatuta, eta beste 3 urte helburu terroristarekin egindako kalteengatik. 305.000na euroko kalte-ordainak ere jarri dizkie Espainiako Auzitegi Nazionalak. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!