Kultura Sailak 52.908 euroko laguntza emango du, Tolosaldeko kultur ondarea zaharberritzeko eta sendotzeko. Gipuzkoako kultur ondarea zaharberritzeko eta sendotzeko laguntza batzuk onartu ditu Gipuzkoako Foru Aldundiko Kultura Sailak. Tolosaldeari dagokionez, hiru proiektuk jasoko dituzte laguntza horiek.
Alde batetik, Alkizako Garaikoetxea baserriaren teilatua eta egitura zaharberrituko da. Hain zuzen, baserriko obraren bigarren zatiari ekingo zaio. Baserriak ohikoa ez den egitura daukanez, egitura guztia desmuntatu eta berriz muntatu beharko da.
Beste aldetik, Larraulgo eta Belauntzako udalek ere jasoko dituzte laguntzak. Lehenengoarentzat 4.678 euro izango dira, Txuringadi errotako ubidea zaharberritzeko. Bigarrenak, berriz, 1.340 euro jasoko ditu, zura tratatzeko.
Denis Itxaso Kultura diputatuak azaldu du ondarea babesteko eta hedatzeko politiken barruan kokatzen direla laguntza hauek: «Laguntza hauekin, Gipuzkoako udalerrietan dugun ondare garrantzitsua babestu nahi dugu».
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!