Erreparazioa eskatzeko epea hurrengo astean zabalduko du Eusko Jaurlaritzak, aldizkari ofizialean astearte honetan hartu zuen erresoluzioa argitaratzen denean. Poliziaren abusuen biktimek izango dute euren kasua aurkezteko aukera; 1978tik 1999ra artekoek bakarrik. Kasuak banaka aztertuko ditu "adituen komisio" batek. Erreparazioak aurkezteko epea 2 urtetara zabalduko den bezala, komisio horren lana ere denbora tarte horretan burutuko da, eta behar izanez gero, denbora gehiago ere hartuko lukete. Kasuak banaka banaka aurkeztuko dituzte, eta Eusko Jaurlaritzaren aurreikuspenen arabera, 300dik 500era izango dira diru laguntza jasoko duten kasuak.
Erreparazioa jasoko luketen kasu batzuk oso ezagunak dira, Tolosako Lasa eta Zabalarenak adibidez. Poliziaren abusuen ondorioz lesio txikiak edo elbarritasuna pairatu dutenen kasuak ere aztertuko dituzte.